“Biz bir ailəyik. Bizi Əli Kərimlinin adamlarından fərqləndirən də məhz bu olmalıdır. Hamımız bir nəfər üçün, bir nəfər hamımız üçün çalışmalı və bu mübarizəmizdə xalqımız üçün qalib gəlməliyik. Gəncləri bir arada görmək daha xoşdur. Hamımız bir yumruq olub, bir yerə vursaq, qarşımıza qoyduğumuz məqsədə nail olacayıq”. Cebhe.info xəbər verir ki, bunu AXCP EQTK-nin Şirvan şəhər təşkilatının sədri İsmayıl Nadirli bildirib. İsmayıl Nadirli AXCP-nin oktyabrın 18-də keçiriləcək Etimad Qurultayına hazırlıq işlərindən də danışıb: “Qurultayın möhtəşəm keçəcəyinə əminəm. Bu qurultayda bir daha öz gücümüzü göstərməliyik. Əminəm ki, hər şey gözlənildiyindən daha yüksək səviyyədə keçiriləcək”. Cebhe.info